Apa wae ubarampe kang dibutuhna kanggo adicara temu manten

1. Sanggan
Kadosan saking pisang raja setangkep ingkang sae dipun rias ngagem dluwang emas dipun tatakaken wonten ing baki utawa tampah.
2. Bombongan
Kedadean saking pitik jago ingkang karan mempeng (wani karo babon), langkung sae menawi sanes jago ingkang kawon tarung.
3. Mas Kawin
Minangka sarat srahan wajib kagem titi wekdal ijab qobul. Lamun 
mampu dipun kantheni srikawin ( penganggen mas-masan ).
4. Arta Pituken / Pitukon
Minangka sarana jangkepipun nyekapi kabutuhan pihak calon manten putri.
5. Ageman Temanten Putri sak Dedeg pengadek 
6. Pesing
Jarik pisungsung kagem eyangipun calon manten putri menawi taksih sugeng.
7. Piranti Paes
Kangge jangkep riyas utawa paes calon temanten putri anggenipun ngudi sarira lan ngudi busana.
8. Angsul-angsul
Werninipun wohwohan, ugi jajan panganan (lemper,jadah,yangko,tawonan,lsp).
9. Plangkah
Sarat menika khusus menawi calon putri anggenipun krama langkung rumiyin tinimbang mbakyu nipun.